Enginn Lakers-maður hafði náð þessu í meira en 52 ár

Doncic hefur byrjað tímabilið frábærlega en gat ekki tekið þátt í leiknum vegna meiðsla. Liðið er líka án LeBron James sem hefur ekki enn spilað leik á tímabilinu. Þá er gott að vera með leikmann eins og Reaves.

Reaves setti nýtt persónulegt met með því að skora 51 stig en þar á meðal voru fjögur háspennuvítaskot á síðustu 32 sekúndunum í þessum 127-120 sigri.

Reaves skoraði sex þriggja stiga körfur í leiknum og bætti við 11 fráköstum og 9 stoðsendingum við öll stigin sín.

Hann er aðeins fjórði leikmaðurinn á síðustu fjörutíu árum sem nær leik með 50 stigum, 11 fráköstum og 9 stoðsendingum. Hinir eru Luka Doncic, Russell Westbrook (tvisvar) og James Harden (tvisvar).

Það þarf hins vegar að fara mun lengra aftur til að finna slíka frammistöðu í Lakers-búningnum.

Síðasti leikmaður Lakers til að ná þessu var Elgin Baylor sem var með 50 stig, 15 fráköst og 11 stoðsendingar á móti Boston Celtics 13. febrúar 1983.