Dannaðar dömur mættu með dramað

Dóra Júlía Agnarsdóttir skrifar 27. október 2025 13:01

Sunneva Einars, Birta Líf, Sara Jasmín og Friðþóra voru í Bridgerton fíling. SAMSETT

Aðal pæjur landsins komu saman í Iðnó í síðustu viku til að fagna nýrri förðunarlínu í anda vinsælu bresku þáttanna Bridgerton. Gestir fóru alla leið í klæðaburði og rokkuðu síðkjóla og glæsilegheit.

Förðunarmerkið Nyx bauð í þessa veislu í samvinnu við áhrifavaldana Sunnevu Einars og Birtu Líf Ólafs, sem halda uppi hlaðvarpinu Teboðið.

„Á hverju ári fagnar NYX Professional Makeup hrekkjavöku með sérstakri árstíðabundinni línu og í ár er það hin glæsilega Bridgerton-lína.

Til að fagna komu línunnar stóð Beautyklúbburinn fyrir glæsilegum viðburði í Iðnó þann 15. október, þar sem áhrifavaldar og samstarfsaðilar komu saman til að fagna útgáfunni í sannkallaðri Bridgerton-stemningu,“ segir í fréttatilkynningu frá Nyx.

Gestum var boðið að skrifa sitt eigið slúður eða „tea“ á miða sem þær lásu síðan upp í anda Lady Whistledown, burðarkarakters úr hinum vinsælu Bridgerton-þáttum.

„Það var ótrúlega gaman að sjá alla leggja sig fram við að tileinka sér Bridgerton-þemað og mæta í sínu fínasta pússi. Kvöldið fór fram úr öllum væntingum og markaði glæsilegan upphafspunkt fyrir Bridgerton-línuna,“ segir jafnframt í tilkynningunni en vörurnar eru til sölu í Hagkaup.

Hér má sjá myndir frá teitinu: