Ís­lendingur gekk ber­serks­gang í Horsens

Maðurinn, sem er 22 ára gamall samkvæmt umfjöllun danskra miðla, var staddur á krá í miðborg Horsens á aðfaranótt laugardags. Hann hafði sýnt af sér ógnandi hegðun og var því rekinn út af staðnum. Maðurinn brást ókvæða við, réðst á dyravörð og var lögregla þá kölluð til.

Að sögn Torbens Møller, lögreglustjora á Austur-Jótlandi, reyndi maðurinn að bíta lögregluþjóna við handtöku. Maðurinn var fluttur á lögreglustöð eftir nokkur handalögmál en honum tókst að sparka í einn lögregluþjónanna. 

Maðurinn verður ákærður fyrir líkamsárás og fyrir að hindra störf lögreglu. Ekki liggur fyrir hvort maðurinn verði úrskurðaður í gæsluvarðhald.s