Of fáir nota endurskinsmerki og síðasta loð­dýra­bú landsins

Ólafur Þ. Harðarson prófessor emeritus í stjórnmálafræði kemur til okkar í myndver og rýnir í nýja könnun Maskínu um störf meiri- og minnihlutans í borginni. Við sjáum nýjar tölur um ánægju fólks með störf borgarstjóra.

Innviðaráðherra hyggst festa Reykjavíkurflugvöll í sessi og byggja nýja flugstöð. Forstjóri Icelandair segir að ekki muni standa á félaginu að fara í samstarf við stjórnvöld um uppbyggingu.

Við heimsækjum síðasta loðdýrabú landsins og verðum í beinni útsendingu frá nýjum íslenskum jólasöngleik. Í íþróttapakkanum hittum við á fremstu skíðakonu landsins, sem stefnir á vetrarólympíuleika í febrúar. 

Í Íslandi í dag heimsækir Sindri Guðrúnu Karls Helgudóttur biskup. Hún segir kirkjuna komna með nóg af því að mega ekki taka á móti skólahópum um jólin, þegar sífellt fleiri sækja í kirkju. 

Þetta og margt fleira í kvöldfréttum á samtengdum rásum Sýnar, Bylgjunnar og Vísis klukkan 18:30.