„Mjög, mjög sorg­legt“

Líkt og fram hefur komið var Andrew handtekinn í morgun í tengslum við rannsókn á meintu misferli í opinberu starfi. Honum var sleppt úr haldi lögreglu á sjöunda tímanum í kvöld.

„Mér þykir þetta mjög miður. Mér finnst þetta mjög slæmt og mjög sorglegt fyrir konungsfjölskylduna,“ sagði Trump við blaðamenn í einkaflugvél sinni áður en hann lagði af stað í opinbera heimsókn til Georgíu.

Trump minntist á Karl Bretakonung, bróður Andrews, sem hann sagði „augljóslega“ á leið til Bandaríkjanna mjög bráðlega. 

„Hann er frábær maður,“ sagði Trump um Bretakonung.

Rannsóknin á meintu misferli Andrews snýr að meintum leka á trúnaðargögnum, meðal annars til milljarðamæringsins og barnaníðingsins Jeffrey Epstein.

„Þetta er mjög áhugavert af því að það talaði enginn um Epstein meðan hann lifði,“ bætti Trump við í samtali við blaðamenn. 

„En mér er ljúft og skylt að tala um hann vegna þess að ég hef margsýnt fram á sakleysi mitt.“