Körfubolti

Ítalir fóru illa með Bretana

Óskar Ófeigur Jónsson skrifar
Nico Mannion var atkvæðamestur hjá Ítölum í kvöld.
Nico Mannion var atkvæðamestur hjá Ítölum í kvöld. Getty/Borja B. Hojas

Ítalska körfuboltalandsliðið vann sinn annan leik í röð í riðli Íslands þegar Ítalarnir heimsóttu Breta í kvöld.

Ítalía vann leikinn mjög sannfærandi með 36 stigum, 93-57, en hann fór fram í Newcastle upon Tyne í norður-Englandi.

Ítalska liðið tók völdin strax í byrjun leiks, vann fyrsta leikhlutann 32-14 og var 24 stigum yfir í hálfleik, 51-27.

Bretar löguðu aðeins stöðuna í þriðja leikhlutanum áður en ítalska liðið keyrði yfir þá í lokaleikhlutanum.

Nico Mannion skoraði 19 stig fyrir ítalska liðið, Amedeo Della Valle bætti við 11 stigum og Momo Diouf var með 10 stig.

Ítalirnir töpuðu fyrsta leiknum í riðlinum á móti Íslandi en hafa síðan unnið tvo leiki í röð.

EuroBasket 2022

Mest lesið


Fleiri fréttir

Sjá meira


×

Mest lesið