Sjálf­stæðis­flokkurinn kynnir fram­boðs­lista í Reykja­vík

Fyrir liggur að Hildur Björnsdóttir mun áfram leiða lista flokksins í borginni, en að öðru leyti er búist við að allnokkrar breytingar verði á lista flokksins. Vísir greindi frá því samkvæmt heimildum fyrir helgi að ofarlega á lista megi búast við að verði nokkur ný nöfn á sama tíma og aðrir reynslumiklir borgarfulltrúar verða ekki áfram á lista eða taka sæti neðar en áður.

Nú síðdegis mun svo skýrast hvernig endanlegur listi flokksins verður í Reykjavík, en Sjálfstæðisflokkurinn hefur ásamt Samfylkingunni mælst stærsti flokkurinn í borginni samkvæmt nýjustu skoðanakönnunum.

Hægt verður að fylgjast með kynningu listans í beinu streymi í spilaranum hér að neðan, en stefnt er að því að útsending hefjist klukkan 16:30.