Besta sætið: Ó­nýt dekk og Svíar í hefndar­hug

Henry Birgir Gunnarsson, Ágúst Orri Arnarson og Valur Páll Eiríksson renndu yfir stöðuna í þætti dagsins.

Tíðindi dagsins var samningur Víkings við stórfyrirtækið Boozt en það er nýlunda að íslenskt lið geri samning við erlendan styrktaraðila. Víkingar halda áfram að stækka.

Það er handboltalandsleikur í kvöld er strákarnir okkar taka á móti Svíum. Svíar eiga harma að hefna eftir að okkar menn flengdu þá í Malmö í janúar. Það er svo sannarlega geymt en ekki gleymt.

Næstsíðasta umferðin í Bónus-deild karla hefst svo í kvöld. Þar er ævintýraleg fallbarátta í gangi og það er enn barátta sömuleiðis um sæti í deildinni sem geta skipt máli.

Evrópuboltinn er síðan á fullu á sportrásum Sýnar í kvöld og er rýnt í áhugaverðustu leikina í þætti dagsins.

Besta sætið er sem fyrr aðgengilegt á öllum helstu hlaðvarpsveitum. Þátturinn kemur út alla virka daga.