Tiger snýr aftur eftir þrettán mánaða fjar­veru

Tiger keppti síðast á TGL í febrúar í fyrra en hefur ekki spilað á PGA-mótaröðinni undanfarna tuttugu mánuði.

Hinn fimmtugi Tiger hefur glímt við meiðsli og gekkst undir bakaðgerð í október síðastliðnum.

Á þessu tímabili í TGL hefur Tiger verið viðloðandi lið Jupiter Links Golf Club sem er komið í úrslit deildarinnar. 

Los Angeles Golf Club, sem Englendingarnir Justin Rose og Tommy Fleetwood spila með, vann fyrsta leikinn í úrslitunum en Tiger ætlar að hjálpa sínu liði að jafna einvígið í dag. Tiger kemur inn í lið Jupiter Links Golf Club fyrir Kevin Kisner.

TGL er deild sem Tiger og Rory McIlroy standa meðal annarra á bak við. Þar er leikið í golfhermi innanhúss í Flórída. Atlanta Drive vann sigur á fyrsta tímabili TGL í fyrra.