Sport

Ís­lendingar í vanda: Miðasölufía­skó endur­tekur sig fyrir HM í hand­bolta

Aron Guðmundsson skrifar
Í Besta sætinu í dag er fjallað um skort á miðum á leiki íslenska karlalandsliðsins í handbolta á næsta stórmóti, HM í Þýskalandi. Miðasölufíaskó frá EM í upphafi árs að endurtaka sig?
Í Besta sætinu í dag er fjallað um skort á miðum á leiki íslenska karlalandsliðsins í handbolta á næsta stórmóti, HM í Þýskalandi. Miðasölufíaskó frá EM í upphafi árs að endurtaka sig? Vísir/Samsett

Loksins loksins er komið líf íþróttalífið eftir fremur lítt fréttnæma daga í upphafi vikunnar. Besta sætið færir ykkur stórar og miður skemmtilegar fréttir fyrir stuðningsmenn íslenska karlalandsliðsins í handbolta sem munu flestir lenda í vandræðum með að verða sér út um miða á Heimsmeistaramót næsta árs í Þýskalandi.

Okkar maður Ágúst Orri Arnarson er með puttann á púlsinum á öllu tengdu miðafíaskóinu í kringum handboltann, staðan slæm og jafnvel verri en sú sem var uppi á síðasta Evrópumóti. 

Stórtíðindi bárust úr herbúðum Liverpool í gær. Mohamed Salah er á förum frá félaginu. Góður tímapunktur fyrir alla aðila? Ræðum það en ljóst er að einn besti leikmaður ensku úrvalsdeildarinnar frá upphafi er að kveðja sviðið. 

Lokaumferð Bónus deildar kvenna fer fram í kvöld. Við hitum upp fyrir stórleikinn. Haukar á móti KR. Hreinn úrslitaleikur um deildarmeistaratitilinn þar sem KR getur náð sögulegum sigri. 

Þá hefst úrslitakeppnin í Olís deild karla í kvöld. Við förum yfir leiki kvöldsins og ræðum snemmbúin og óvænt starfslok þjálfara Stjörnunnar skömmu fyrir umspil. 

Hlusta má á þátt dagsins í Besta sætinu í spilaranum hér fyrir ofan eða á streymisveitu Tals hér fyrir neðan:   

Besta sætið

Mest lesið


Fleiri fréttir

Sjá meira


×

Mest lesið