Antonelli vann aftur og tók met af Hamilton

Antonelli byrjaði kappaksturinn fremstur en hafði fallið niður í sjötta sæti. Hann stórgræddi hins á því þegar Oliver Bearman klessti Haas bílinn. Bearmann slapp óslasaður. 

Oscar Piastri, George Russell og Charles Leclerc voru þá allir fyrir framan Antonelli en búnir að láta skipta um dekk. Þegar Bearman klessti kom öryggisbíll út, Antonelli gat þá skipt um dekk en tapað mun minni tíma en hinir.

Antonelli gerði engin mistök í seinni helming keppninnar og kom fyrstur yfir marklínuna, þrettán sekúndum á undan Oscar Piastri hjá McLaren.

Liðsfélagi hans Antonelli, George Russell, lét pirring sinn greinilega í ljós í liðsútvarpinu og þurfti á endanum að sætta sig við fjórða sætið á eftir Charles Leclerc hjá Ferrari.

Lando Norris varð fimmti og Lewis Hamilton sjötti. Fyrrum heimsmeistarinn horfði líka á eftir aldursmeti sínu falla. Hann var áður sá yngsti til að sitja í efsta sæti í keppninni um heimsmeistaratitil ökuþóra, 22 ára gamall árið 2007, en Antonelli er aðeins 19 ára.

Ítalinn ungi verður í efsta sætinu að minnsta kosti þangað til í maí. Formúlan er á leiðinni í frí, sökum þess að næstu keppnum í Barein og Sádi-Arabíu var aflýst vegna stríðsátaka.