Hníf­jöfn bar­átta fyrir loka­dag Masters

McIlroy náði sér engan veginn á strik í dag og fór hringinn á höggi yfir pari. Það leit þó út fyrir að hann yrði enn með forystuna þar til að hann átti of stutt pútt á 17. flöt og fékk þar sinn þriðja skolla, eftir að hafa auk þess fengið tvöfaldan skolla á 11. braut. Hann fékk einnig fjóra fugla.

Cameron Young lék hins vegar stórkostlega, eða á -7 höggum, og er nú jafn McIlroy á toppnum á samtals -11 höggum.

Þéttur hópur manna kemur þar á eftir og því margir sem gera tilkall til þess að klæðast græna jakkanum annað kvöld eins og McIlroy gerði fyrir ári síðan.

Hápunktur dagsins var hola í höggi hjá Íranum Shane Lowry sem þar með hefur tvisvar náð draumahögginu á Masters, fyrstur manna. Hann er í 4. sæti og aðeins tveimur höggum á eftir forystusauðunum.

Sam Burns, sem líkt og Patrick Reed var næstur á eftir McIlroy fyrir hringinn en þó sex höggum á eftir honum, minnkaði forskot Norður-Írans í aðeins eitt högg. Reed er hins vegar kominn niður í 9. sæti á samtals -6 höggum þrátt fyrir kraftmikla byrjun í dag.

Bein útsending frá lokahringnum hefst á Sýn Sport klukkan 16 á morgun.