Pressa á Stólunum og Hlynur Bærings með ó­vænta inn­komu

Stjarnan mætir vængbrotin til leiks enda án landsliðsmannanna Orra Gunnarssonar og Ægis Þórs Steinarssonar. Ægir lét hafa eftir sér að það væri skandall ef Tindastóll myndi ekki vinna einvígið miðað við áföllin sem Stjarnan hefur orðið fyrir.

Það var mikið rætt hvort það væri jákvætt eða neikvætt fyrir Stjörnuna að lenda beint í gini krókódílsins eftir áfallið með Ægi. Besta sætið greip Hlyn Bæringsson Stjörnugoðsögn af kaffistofunni og fékk hans álit á þessu.

Haukar og Grindavík eru komin yfir í sínum einvígjum í undanúrslitum Bónus-deildar kvenna.

Við renndum yfir pestirnar sem Laugardalsvöllur hefur lent í og saklausu íþróttafréttina sem gerði Eyjamenn brjálaða.

Besta sætið er hlaðvarp íþróttadeildar Sýnar. Það kemur út alla virka daga og er aðgengilegt á öllum helstu hlaðvarpsveitum.