McIlroy þurfti að hætta eftir þrjár holur

PGA meistaramótið hefst á morgun og er um að ræða annað risamót ársins. Téður McIlroy vann það fyrsta, Masters-mótið, og það annað árið í röð. 

Það ríkir mikil spenna fyrir gengi McIlroy á komandi risamóti en æfingahringur hans í gær fór ekki eins og best verður á kosið.  

Norður-Írinn hefur verið að glíma við óþægindi á hægri fæti síðan fyrir Truist meistaramótið í síðustu viku. Blaðra myndaðist undir tánögl hans á litlu tá. 

McIlroy tók málin í sínar hendur í sturtu á mánudaginn síðastliðinn eftir því sem Golf Channel kemst næst og reif umrædda tánögl af. 

Þar með virðist málið ekki hafa verið leyst því McIlroy átti í bölvuðu basli á æfingahring gærdagsins og aðeins þrjár kláraðar holur vekja upp áhyggjur. 

Sky Sports greinir frá því að McIlroy hafi yfirgefið golfvöllinn í golfbíl við fjórðu holu og að á svæðinu hafi síðan mátt sjá fólk úr teymi hans koma með nokkrar útgáfur af skóm fyrir hann að máta. Það í gert í þeirri viðleitni að finna þægilegustu útgáfuna af skóm fyrir hann að spila í þessa helgina.

McIlroy hafi ætlað að spila níu holur í gær og níu holur í dag. Spurning hvort Norður-Írinn muni ná að æfa í dag. 

PGA-meistaramótið verður í beinni útsendingu á Sýn Sport Viaplay.