Ný verslun Elko opnuð í Smára­lind

Í tilkynningu kemur fram að ný verslun sé með sama útlit og aðrar verslanir þó svo að vöruúrvalið sé með öðrum hætti en í stærri verslunum. Sami opnunartími er í versluninni og í öðrum Elko verslunum.

Ný verslun Elko í Smáralind er með sama útliti og hönnun og aðrar verslanir fyrirtækisins þótt vöruúrval á staðnum sé með öðrum hætti en í þeim stærri. Þá er hún með sama opnunartíma og aðrar verslanir Elko.

Í tilkynningu kemur jafnframt fram að í versluninni verði áhersla í vöruúrvali á síma, spjaldtölvur, snjallúr, skjáfilmur og smærri heimilistæki, auk snyrti- og heilsuvara.

„Það finnst kannski einhverjum undarlegt að við opnum verslun svo nærri okkar stærstu búð, en með þessu aukum við þjónustu við viðskiptavini Smáralindar og spörum þeim sporin sem eru í leit að smærra raftæki eða vilja njóta ráðgjafar sérfræðinga okkar í versluninni. Loforð okkar er skýrt. Það sem skiptir þig máli skiptir okkur máli og þessi opnun styður stefnu Elko um að eiga ánægðustu viðskiptavinina,“ segir Óttar Örn Sigurbergsson, framkvæmdastjóri Elko.

Í tilefni opnunarinnar eru tilboð á völdum vörum í nýju Elko-versluninni í Smáralind frá opnunardegi og fram yfir næstu helgi. Elko ehf. er alfarið í eigu Festi hf.