Hrósaði sigri á Opna franska að­eins ní­tján ára gömul

Andreeva er yngsti sigurvegarinn á Opna franska á þessari öld. Hún hafði aldrei áður komist í úrslitaleik á risamóti en verðlaunasafn hennar telur nú gull á Opna franska og gull í tvíliðaleik Ólympíuleikunum 2024.

Með sigrinum batt hún enda á ævintýri Chwalinska, sem fór alla leið úr undankeppninni í úrslitaleikinn.

Leikurinn þeirra á milli var jafn til að byrja með og staðan stóð jöfn 3-3 í fyrsta setti. Þá tók Andreeva yfir og sýndi mikla yfirburði, vann settið 3-6 og tók næsta sett 2-6.

Fyrir mót var Andreeva í 8. sæti heimslistans en Chwalinska í 114. sæti heimslistans.

Úrslitaleikur karlaflokksins á Opna franska meistaramótinu, milli Flavio Cobolli og Alexander Zverev, fer fram klukkan 13:00 á morgun í beinni útsendingu á Eurosport stöðinni sem fylgir með sportáskrift að Sýn.