Yngsti sigur­vegari í sögu Móna­kó

Hinn 41 árs gamli Hamilton var 23 ára þegar hann fagnaði fyrst sigri í Mónakó. Antonelli er aðeins 19 ára gamall og nú þar af leiðandi sá yngsti sem hefur unnið keppnina.

Talsverðan tíma tók að klára keppnina en hlé var gert þegar liðsfélagi Hamilton hjá Ferrari, Charles Leclerc, klessti á vegg.

Keppnin hófst líka með látum því Max Verstappen hjá Red Bull tókst ekki að ræsa af stað.

Bíllinn bilaði og Verstappen tók ekki þátt en liðsfélagi hans, Isack Hadjar, varð þriðji yfir marklínuna.

Antonelli hefur nú unnið fimm af fyrstu sex keppnum tímabilsins. Með sigrinum í Mónakó breikkar bilið enn frekar milli hans og George Russell í keppninni um heimsmeistaratitil ökuþóra. 

Russell átti erfiða helgi og hafnaði í 13. sæti í dag.