Heldur á­fram að vera hraðastur í Bret­landi

Breski kappaksturinn í Formúlu 1 byrjaði í dag og stendur yfir til sunnudags. Þetta er spretthelgi sem þýðir að við fáum aukakappakstur sem er aðeins styttri um helgina. 

Lewis Hamilton er á sínum heimavelli og byrjar á ráspól í sprettkeppninni. Hann er sigursælasti ökuþór breska kappakstursins en hann hefur unnið kappaksturinn níu sinnum. Einnig hefur hann talað um að Silverstone-brautin þar sem breski kappaksturinn er haldinn sé hans uppáhaldsbraut.

Hamilton var búinn að vera hraðastur í öllum hlutum spretttímatakanna í dag en hann náði ráspól með minnsta mun. Hann var aðeins einum hundraðshluta hraðari en Kimi Antonelli í öðru sæti sprettsins en Max Verstappen byrjar sprettinn í þriðja sæti.

Sprettkeppnin er sýnd í beinni útsendingu á Sýn sport Viaplay á morgun klukkan ellefu.