Barcelona mun styðja fjöl­skyldu verka­manns sem lést á Nývangi

Slysið varð á föstudaginn við framkvæmdir sem standa yfir til að auka áhorfendapláss vallarins í 105 þúsund manns.

„FC Barcelona harmar innilega andlát verkamannsins sem lést í gær í vinnuslysi sem varð við endurbætur á Spotify Camp Nou. Félagið vill votta fjölskyldu hans, vinum og samstarfsfólki dýpstu samúð sína og stuðning,“ segir í yfirlýsingu frá félaginu.

„Joan Laporta, forseti FC Barcelona, vill persónulega votta fjölskyldunni samúð sína og býður fram aðstoð sína fyrir hönd alls félagsins.“

Framkvæmdir við völlinn hófust í júní 2023 eftir fjölmargar tafir og aukinn kostnað.

Eftir að hafa notað Estadi Olimpic Lluis Companys-leikvanginn á fyrstu stigum framkvæmdanna sneri félagið aftur til að spila heimaleiki á Nývangi í nóvember 2025 og vann 19 af 20 leikjum þar það sem eftir lifði síðasta tímabils. Eina undantekningin var tap gegn Atletico Madrid í Meistaradeildinni í apríl.