Fer frá lax­eldi í eldri borgara

Jónas kemur til Sjómannadagsráðs frá laxeldisfyrirtækinu Arnarlaxi ehf. þar sem hann starfaði síðast sem framkvæmdastjóri fjármálasviðs. Fyrir það starfaði Jónas fyrir Norðurál en hann útskrifaðist sem viðskiptafræðingur frá Háskólanum á Bifröst árið 2005.

Sjómannadagsráð er stærsti rekstraraðili hjúkrunarheimila á Íslandi en félagið rekur Hrafnistu, sem inniheldur sex hjúkrunarheimili á höfuðborgarsvæðinu og eitt á Reykjanesi.

Undir Sjómannadagsráð heyra einnig DAS-íbúðir, sem leigja 350 íbúðir út til aldraðra í svokölluðum lífsgæðakjörnum, og Happdrætti D.A.S. sem er fjárhagslegur bakhjarl samstæðunnar til ríflega sjö áratuga.

,,Það er mikill fengur fyrir okkur að fá Jónas til liðs við okkur. Umsvif samstæðunnar eru mikil og fram undan eru stór verkefni við áframhaldandi uppbyggingu hjúkrunarrýma og þjónustuíbúða fyrir eldri borgara. Við stjórnin þökkum Kristjáni fyrir góð og farsæl störf á sínum árum en hann hefur haft fram að færa mikilvægt framlag í gegnum tíðina,“ er haft eftir Aríel Péturssyni, formanni Sjómannadagsráðs í tilkynningu.