Gunn­laugur Árni hætti keppni á miðjum hræði­legum fyrsta hring

Mótið er eitt stærsta og sterkasta áhugamannamót heims og fer fram á Merion Golf Club og Philadelphia Country Club í Pennsylvaníu. Þetta var annað árið í röð sem Gunnlaugur Árni tekur þátt í mótinu en hann komst áfram í holukeppnina á síðasta ári en datt úr leik í 64 manna úrslitum.

Nú hætti hann keppni eftir ellefu holur eftir hræðilegan fyrsta hring en hann var á ellefu höggum yfir pari eftir þessar ellefu holur.

Það gekk hreinlega ekkert upp hjá þessum efnilega kylfingi í dag. Hann fékk fjóra skolla og var með tvöfaldan skolla á einni holu og þrefaldan skolla á tveimur holum.

Gunnlaugur Árni náði fugli á einni holu og paraði þrjár holur en hætti svo keppni. 

Það má sjá skorkortið hans hér fyrir neðan.