Þurftu að keyra á hnífamann sem slóst við lög­reglu

Maðurinn slóst síðan við lögregluþjóna sem handtóku hann en hann var handtekinn og færður í fangaklefa.

Þá barst einnig tilkynning um að flugeld hafði verið kastað inn í bíl. Fólk var í bílnum þegar öðrum bíl, sem ku hafa verið fullur af ungmennum, kom þar upp að og var flugeld kastað inn í fyrri bílinn. Þar sprakk hann og hlutu farþegar og ökumaður tjón af og bíllinn skemmdist.

Í dagbók lögreglu segir að leitað hafi verið að hinum bílnum en hann hafi ekki fundist í gærkvöldi eða nótt.

Starfsmenn Bráðamóttökunnar óskuðu eftir aðstoð lögreglu vegna ungmennis sem þangað leitaði eftir að hafa orðið fyrir líkamsárás. Það mál er í rannsókn.

Annað mál sem er í rannsókn snýr að því að öryggisvörður tilkynnti lögreglunni um slagsmál þar sem annar sem tók þátt í þeim ógnaði hinum með grjóti. Báðir voru farnir af vettvangi þegar lögregluþjóna bar að garði.

Lögreglunni bárust í gærkvöldi og í nótt allavega fjórar tilkynningar um innbrot. Í einu tilfelli hafði einhver farið inn á heimili og stolið þaðan verðmætum á meðan íbúar sváfu. Í öðru tilfelli var brotist inn í fyrirtæki en engar skemmdir voru unnar og engu var stolið.

Í enn einu tilfelli var um að ræða eiganda íbúðarinnar sem hafði læst sig úti en nágranni hafði tilkynnt innbrot þegar hann sá eigandann fara inn um glugga.