Sel­foss missir mikið efni

Guðmundur er aðeins 20 ára gamall og var að klára sitt þriðja tímabil í meistaraflokki. Hann byrjaði tímabilið í fyrra með Selfossi en var lánaður til Ægis þar sem hann kláraði tímabilið. Í ár stækkaði hlutverk hans og varð hann mikilvægur leikmaður Selfoss í 2. deildinni.

Hann spilaði 34 leiki fyrir Selfoss í sumar og skoraði í þeim sex mörk og virðist vera mikils metinn meðal Selfyssinga. Hann var valinn besti miðjumaðurinn á lokahófi félagsins ásamt því að fá viðurkenningu fyrir að hafa náð mestu framförum innan liðsins.

Guðmundur heldur nú í eitt af stærstu liðum landsins, Fram ,en hann gleymir ekki félaginu sem ól hann upp.

„Ég er þakklátur fyrir tímann á Selfossi og allt fólkið sem ég hef kynnst á leiðinni. Liðsfélagar, þjálfarar, fólkið í kringum félagið og allir sem hafa mætt á völlinn og stutt okkur – takk fyrir allt,“ er haft eftir Guðmundi í tilkynningu frá Selfossi.