Rúnar Már samdi við Grasshoppers

Landsliðsmaðurinn Rúnar Már Sigurjónsson skrifaði í morgun undur samning við svissneska úrvalsdeildarfélagið Grasshoppers.

Rúnar Már kemur til félagsins frá Sundsvall í Svíþjóð. Hann skrifaði undir þriggja ára samning við Grasshoppers sem Sigurður Grétarsson lék með á sínum tíma.

Skagfirðingurinn mun leika í treyju númer 7 hjá svissneska félaginu. Sundsvall er sagt fá um 43 milljónir króna fyrir hann.

Hann gæti spilað sinn fyrsta leik gegn KR en Grasshoppers mun leika gegn sigurvegaranum í rimmu KR og Glenavon en síðari leikur liðanna fer fram í kvöld.