Beiðni Steingríms hafnað

Stjórn Landssíma Íslands hefur hafnað kröfu Steingríms J. Sigfússonar, alþingismanns, um að boðað verði til hluthafafundar í fyrirtækinu vegna kaupa þess á hlut í Skjá einum. Í svari sínu lýsir stjórnin sig ósammála þeirri túlkun Steingríms að kaup Landssímans á hlut í Skjá einum feli í sér verulegar breytingar á rekstri Landssímans. Steingrímur hefur mótmælt ákvörðun stjórnarinnar og segir að í ljósi þess að Skjár einn hljóti nú að teljast dótturfélag Landssímans, þá ítreki hann kröfu sína um hluthafafund.