Fleiri ensk lið vilja Morientes
Fernando Morientes, framherji Real Madrid, er nú eftirsóttur af enskum úrvalsdeildarliðum. Liverpool og Newcastle hafa þegar borið víurnar í kappann og falast eftir kröftum hans en umboðsmaður Morientes hefur nú gefið út að tvö önnur félög í ensku úrvalsdeildinni hafi bæst í hópinn. Hann vill hins vegar ekki gefa upp hvaða lið það eru.
