Ísland tapaði fyrir Frökkum

Íslenska karlahandboltalandsliðið tapaði fyrir Frökkum í kvöld, 30-26, á æfingaleik á Spáni. Staðan í hálfleik var 16-12 fyrir Frakka. Nýjasta stjarna okkar Íslendinga, línumaðurinn Róbert Gunnarsson hélt áfram sínu striki og var markahæstur með 6 mörk. Næstur á eftir honum kom Haukamaðurinn Vignir Svavarsson með 5 mörk en leikið var í Ciudad Real þar sem Ólafur Stefánsson leikur með félagsliði sínu. Landsliðið tekur þátt í æfingamóti sem er liður í undirbúningi liðsins fyrir HM í Túnis og leikur á morgun laugardag við heimamenn í spænska landsliðinu og við Egypta á sunnudag.