Árni Þór nefbrotnar í æfingaleik

Árni Þór Sigtryggsson, örvhenta stórskyttan sem leikur með Þór í úrvalsdeildinni í handknattleik, nefbrotnaði illa í æfingaleik gegn KA í gærkvöld. Árni Þór ætlaði til Þýskalands á föstudaginn kemur til að kanna aðstæður hjá Göppingen, sem Jaliesky Garcia leikur með, en ekkert verður af þeirri heimsókn í bili. Talið er að Árni Þór verði frá í nokkrar vikur. Fleiri lið hafa sýnt Árna Þór áhuga, til að mynda Skjern í Danmörku sem Aron Kristjánsson þjálfar.