Rijkaard hugsanlega refsað
Frank Rijkaard, knattspyrnustjóri Barcelona, gæti átt yfir höfði sér refsingu frá Knattspyrnusambandi Evrópu, eftir að vitni urðu að því að hann fór inn í búningsherbergi sænska dómarans Anders Frisk í hálfleik í leik Barcelona og Chelsea. Chelsea hefur sem kunnugt er lagt fram formlega kvörtun á því að Rijkaard sást tala við dómarann í göngunum í hálfleiknum, en þessi nýjustu tíðindi geta haft alvarlegar afleiðingar í för með sér fyrir Hollendinginn, því strangar reglur gilda um samskipti við dómara meðan á leik stendur. Einnig er til rannsóknar atvik sem á að hafa átt sér stað í göngunum í hálfleik, þar sem Jose Mourinho hjá Chelsea á að hafa fengið spark í afturendan í látunum.
