142 handteknir

Ítalskir lögreglumenn handtóku 142 einstaklinga í viðamiklum aðgerðum í og við Mílanó á föstudag og laugardag. Handtökurnar eru hluti af stórauknum viðbúnaði á Ítalíu í kjölfar hryðjuverkanna í Lundúnum og hótana um hryðjuverk á Ítalíu. 82 þeirra sem voru handteknir eru innflytjendur og hefur 52 þeirra verið vísað úr landi. Flestir þeirra handteknu voru sakaðir um minni háttar glæpi. Antonio Girone lögregluherforingi sagði að áherslan hefði verið á Mílanó þar sem rannsókn ítölsku lögreglunnar á grunuðum hryðjuverkamönnum hefði gefið til kynna að hætta kynni að vera á meiri háttar hryðjuverkaárás í borginni.