Berg hrifinn af Obi Mikel

Henning Berg, fyrrum leikmaður Manchester United og þjálfari Lyn, segist ekki hissa á því að  United og Chelsea hafi slegist um hinn unga John Obi Mikel, því hann sé ótrúlega hæfileikaríkur leikmaður. Obi Mikel er sennilega besti leikmaður sem ég hef séð á þessum aldri og ég mæli með því að hann fari til Manchester United. Hann er aðeins nítján ára gamall, en ég held að hann eigi fullt erindi í hvaða lið sem er," sagði Henning Berg og bætti við að Mikel þyrfti aðeins að jafna sig aðeins á fjölmiðlafárinu sem hefur verið í kring um hann undanfarið.