Styrkleikalisti FIFA birtur í dag

Nýr styrkleikalisti FIFA var birtur í dag og þar hefur íslenska landsliðið farið upp um tvö sæti síðan í síðasta mánuði og situr nú í 92. sæti. Liðið hefur fallið um 22. sæti síðan þeir Ásgeir Sigurvinsson og Logi Ólafsson tóku við því árið 2003. Þá hefur enska landsliðið einnig fallið á listanum. Enska landsliðið er dottið af topp tíu á listanum í fyrsta sinn í um ár og situr nú í ellefta sæti. Það er sem fyrr Brasilía sem situr í toppsætinu, en Hollendingar hafa sætaskipti við Argentíu og eru í öðru sæti. Fjórða liðið er svo Tékkland og Mexíkó er í því fimmta.