Maldini með met og sigur

Varnarmaðurinn ótrúlegi Paolo Maldini hjá AC Milan fagnaði tvöfalt þegar lið hans vann sigur á botnliði Treviso 2-0 í ítalska boltanum í dag. Maldini hefur nú leikið flesta leiki allra í sögu deildarinnar og bætti met Dino Zoff, sem spilaði 570 á ferlinum í ítölsku deildinni. Sigurinn fleytti Milan í þriðja sæti deildarinnar ásamt Lazio og Palermo, en þeir eru fimm stigum á eftir toppliði Juventus, sem lagði Parma 2-1 í gær. Livorno er í öðru sæti deildarinnar eftir 2-0 sigur á Ascoli.