Sammi vill leggja Chelsea

Sam Allardyce vill að Bolton verði fyrsta liðið til að leggja Chelsea í ensku úrvalsdeildinni í vetur og varar leikmenn sína við því að þeir verði að nýta hvert einasta færi sem þeir kunna að fá í leiknum um helgina, ef þeir ætli sér að vinna meistarana. Bolton hefur náð að stela stigum af Chelsea í síðustu fjórum viðureignum liðanna og það er árangur sem fá lið geta státað af. "Við munum ekki geta lagt Chelsea ef við misnotum eitt einasta marktækifæri sem við kunnum að fá í þessum leik. Ef við fáum eitt tækifæri, verðum við að nýta það. Ef við fáum tvö, verðum við að skora tvö, því ef maður á að vera raunsær - held ég að við fáum ekki mikið fleiri tækifæri en það," sagði Sam Allardyce.