Miðasala hafin

Þann 15. ágúst mæta Spánverjar til leiks á nýjum og endurbættum Laugardalsvelli en samkvæmt upplýsingum KSÍ ætla Spánverjar að stilla upp sínu sterkasta liði, meginþorra þeirra leikmanna sem spiluðu á HM í sumar. Íslenski hópurinn verðir tilkynntur á þriðjudaginn í næstu viku.

Miðasalan á leikinn er með nýju sniði en hún fer fram á ksi.is og á midi.is. Þar geta kaupendur valið sér sæti á vellinum sem ekki hefur verið hægt áður. Kaupandinn prentar svo út miðann og notar sem miða á völlinn.

Forsalan er til 14. ágúst en miði í rauðu eða bláu svæði kostar 2500, en 1000 krónur í grænu svæði en þau eru staðsett yst í stúkunum tveimur. Miði í stæði kostar 800 krónur en öll verðin hækka svo á leikdag.