Eru tilbúnir að selja Senna

Spænska liðið Villarreal er reiðubúið að selja miðjumanninn Marcos Senna til Manchester United ef enska liðið er tilbúið til að greiða rétta upphæð. Senna er þrítugur spænskur landsliðsmaður. "Við erum tilbúnir að ræða við forráðamenn Manchester United og ef tilboð þeirra er jákvætt fyrir alla aðila munum við láta leikmanninn af hendi," sagði Jose Llaneza, stjórnarmaður félagsins.

Þótt Senna fari frá Villarreal ætti ekki að vera leikmannaskortur á miðsvæði liðsins því það hefur fengið Robert Pires, Cani og Leandro Somoza í sumar en þeir eru allir miðvallarleikmenn.