Veigar tryggði Stabæk sigur

Landsliðsmaðurinn Veigar Páll Gunnarsson skoraði sitt 12. mark í norsku úrvalsdeildinni í gær er hann tryggði sínum mönnum 3-2 sigur á Lyn í gær.

Lyn komst 2-0 yfir í leiknum en Stabæk jafnaði metin fyrir hálfleik og Veigar Páll skoraði eina mark síðari hálfleiksins, með glæsilegum skalla eftir horn. Veigar meiddist á hálsi á æfingu í síðustu viku og var óttast að hann gæti ekki spilað leikinn. Indriði Sigurðsson og Stefán Gíslason léku báðir allan leikinn fyrir Lyn.

Birkir Bjarnason kom inn á sem varamður í lið Viking sem tapaði 3-1 fyrir Start á útivelli. Árni Gautur Arason lék allan leikinn fyrir Vålerenga sem vann 2-1 sigur á toppliði Brann en Kristján Örn Sigurðsson lék allan leikinn fyrir síðarnefnda liðið en Ólafur Örn Bjarnason fór af velli í síðari hálfleik.