Treysti sér ekki til að spila

Það vakti athygli manna á leik FH og Breiðablik í gær að Marel Jóhann Baldvinsson var ekki með Blikum.

Ég var ekki búinn að ná mér almennilega af þessum meiðslum sem ég hlaut á landsliðsæfingunni. Ég gat æft síðustu tvo dagana fyrir leikinn en án þess þó að taka einhverja spretti eða skjóta á markið og þá er maður bara ekki tilbúinn að spila leik. Maður gleymir sér alltaf í leik og fer á fullt, sagði Marel í gær um ástæðu þess að hann hafi ekki spilað.

Marel sagði jafnframt að hann væri bara að pakka niður núna og að hann færi sennilega út á morgun, en Marel er sem kunnugt er að fara í atvinnumennsku hjá Molde í Noregi.