Spilað undir nafni ÍBV/Selfoss?

Kvennalið ÍBV er í stökustu vandræðum með að finna stelpur til að spila fótbolta úti í Vestmannaeyjum. Svo gæti farið að ÍBV spili undir sameiginlegum merkjum liðsins og Selfoss undir nafninu ÍBV/Selfoss í Landsbankadeild kvenna í sumar.

Viðræður eru í gangi við erlendar stúlkur um að þær spili með ÍBV í sumar en aðeins á eftir að undirrita samninga þess efnis. Þar sem ÍBV vill ekki eingöngu spila á erlendum leikmönnum vantar Eyjastelpur eða stelpur ofan af landi og hóf deildin því viðræður við Selfoss og fengu góðar viðtökur. Næsta skref er að leggja tillögu fram á aðalfundi ÍBV um heimild til að koma á þessu samstarfi.

Ef illa gengur gæti þó svo illa farið að leggja þurfi niður nánast allt kvennaknattspyrnustarf í Vestmannaeyjum.