FH mætir TVMK Tallin

Í dag var dregið í forkeppnum Evrópumótanna í knattspyrnu. Íslandsmeistarar FH mæta TVMK frá Tallin frá Eistlandi í fyrstu umferð meistaradeildarinnar og mun sigurvegarinn úr þeirri viðureign svo mæta pólska liðinu Legia Varsjá. Leikirnir fara fram 12. og 19. júlí. Valsmenn og Skagamenn mæta liðum frá Danmörku í fyrstu umferð Evrópukeppni félagsliða.

Valur mættir Bröndby og Skagamenn mæta Randers. Þessir leikir fara fram dagana 13. og 27. júlí og eru síðari leikirnir heimaleikir íslensku liðanna.