Hugsanlega besti leikur okkar í Meistaradeildinni

Arsene Wenger var ekkert að velta sér upp úr því að lið hans hafi farið illa með fjölda færa og því þurft að sætta sig við markalaust jafntefli á heimavelli við CSKA Moskva í kvöld. Hann segir spilamennsku liðsins hafa verið frábæra.

"Við nýttum ekki færi okkar í kvöld og það var í raun óskiljanlegt að við næðum ekki að skora. Liðið spilaði hinsvegar frábæra knattspyrnu í kvöld og ég er ekki frá því að þetta hafi verið besti leikur okkar í Meistaradeildinni síðan ég tók við liðinu. Þetta stappar í okkur stálinu fyrir næstu leiki og ég ætla að taka það jákvæða út úr þessum leik," sagði Wenger.