Vissi að Saha næði ekki að skora

Neil Lennon, fyrirliði Glasgow Celtic, hefur gefið það upp að Gary Neville hjá Manchester United hafi komið til sín skömmu áður en Louis Saha tók vítaspyrnuna á lokamínútum leiks liðanna í Meistaradeildinni í gær og sagt sér að Saha myndi ekki skora úr henni.

"Hann kom til mín og sagði mér að fylgjast með því hvernig hann klúðraði spyrnunni og það kom á daginn. Neville sagði mér að Saha hefði verið niðurlútur fyrir spyrnuna og benti á að hann hefði áður misnotað spyrnu undir sömu kringumstæðum," sagði Lennon.