Castro ennþá veikur

Hátíðarhöldum í tilefni áttræðisafmælis Fídels Castro Kúbuleiðtoga lýkur í dag með mikilli hersýningu í höfuðborginni Havana. Margt fyrirmenna er samankomið á Kúbu í tilefni afmælisins, þar á meðal Evo Morales og Daniel Ortega, forseta Bólivíu og Níkaragva, en sjálft afmælisbarnið hefur hins vegar enn ekki látið sjá sig. Castro veiktist í sumar og eftirlét þá bróður sínum Raul stjórnartaumana til bráðabirgða. Hvað amar að Castro hefur ekki verið gefið upp en bandaríska leyniþjónustan segist hafa áreiðanlegar heimildir fyrir því að hann þjáist af krabbameini og eigi skammt eftir ólifað.