HK skellti Íslandsmeisturunum

HK gerði sér lítið fyrir og lagði Íslandsmeistara Fram 32-29 í DHL deild karla í handbolta í Safamýri í dag. Valdimar Þórsson og Tomas Eitutis skoruðu 10 mörk hvor fyrir HK og Egidijus Petkevicius varði 22 skot í markinu en Andri Berg Haraldsson skoraði 7 mörk fyrir Fram.

Akureyri og Haukar skildu jöfn 27-27 á Akureyri, Stjarnan lagði Val örugglega 33-26 og Fylkir lagði ÍR 37-34. HK er þar með í efsta sæti deildarinnar með 15 stig, Valur í öðru með 14, Fram í þriðja með 11 og Akureyri og Stjarnan hafa 10 stig í 4. og 5. sæti.