Deisler meiddur enn og aftur

Miðjumaðurinn Sebastian Deisler hjá Bayern Munchen spilar ekki meira með liðinu fyrr en eftir vetrarhlé í deildinni eftir að hann reif vöðva í læri á æfingu í dag. Landsliðsmaðurinn hefur aldrei náð sér almennilega á strik með liðinu og hefur þurft í fimm uppskurði á hné vegna þrálátra meiðsla.

Félagið fékk þó þær gleðifréttir í dag að varnarmaðurinn Valerien Ismael getur nú byrjað að æfa með liði Bayern á ný eftir fimm mánaða fjarveru vegna fótbrots. Meisturum Bayern hefur ekki gengið vel í titilvörninni í vetur og er nokkuð á eftir toppliðunum.