Belletti ekki á leið til Milan

Forráðamenn Barcelona hafa gefið út tilkynningu þar sem þeim sögusögnum sem segja bakvörðinn Juliano Belletti á leið til AC Milan í Janúasr er vísað til föðurhúsanna. Bróðir og umboðsmaður leikmannsins hafa sömu sögu að segja, svo að ljóst er að AC Milan þurfa að leita sér að liðsstyrk annarsstaðar.

Koma Gianluca Zambrotta til Barcelona í sumar hefur gert það að verkum að Belletti hefur færst aftar í goggunarröðinni og því var haldið fram í ítölskum og spænskum fjölmiðlum að hann vildi komast frá Evrópumeisturunum.

Yfirmaður íþróttamála hjá Barcelona, Txiki Begiristain, segir af og frá að Barcelona selji leikmanninn. "Okkar hugmynd er að framlengja samning félagsins við Belletti. Ég hef ekki hugmynd hvaðan þessar fréttir koma en ég get fullvissað alla um að þær eiga við engin rök að styðjast," sagði í tilkynningu frá Begiristain.