Slökkt á hugsuninni Hólmfríður Helga Sigurðardóttir skrifar 21. nóvember 2007 00:01 -Ferðanefnd Kaupþings hefur skipulagt göngur á flesta tinda í kringum höfuðborgarsvæðið. En starfsfólk bankans lætur ekki Íslandstinda nægja. Í haust fór hópur meðal annars til Mallorca. Mynd/Jósep Gíslason „Það var nú bara hlegið að mér þegar ég kom fyrst með hugmyndir um að ganga á Mallorca, enda sá fólk hana ekki fyrir sér sem gönguferðastað. Núna eru þær fáar ferðaskrifstofurnar sem ekki bjóða upp á gönguferðir til útlanda. Það er engin spurning að áhuginn er að aukast,“ segir Steinunn Harðardóttir, leiðsögumaður og dagskrárgerðarmaður á Ríkisútvarpinu. Steinunn hefur í rúm fimmtán ár haft það að starfi að skipuleggja gönguferðir fyrir hópa í útlöndum. Árið 1991 stofnaði hún fyrirtækið Göngu-Hrólf utan um þetta stóra áhugamál. Úrval-Útsýn keypti svo fyrirtækið af henni árið 1998. Síðan hefur það verið rekið sem sjálfstæð eining undir íþróttadeild Úrvals-Útsýnar. Gengið á fjallstinda víða um heimAuk Mallorca hefur Steinunn gengið með hópa í Toscana-héraði á Ítalíu, í Pýreneafjöllum, á Grikklandi og Tyrklandi. Oft eru það hópar innan fyrirtækja sem kaupa þjónustu Göngu-Hrólfs. Gönguferðir eru enda með bestu gerð hópeflingar sem völ er á, að mati Steinunnar. Þá segir hún fólk njóta þess að slaka á og leyfa öðrum að sjá um að stjórna. „Í þessum ferðum er allt skipulagt. Fólk kvartar góðlátlega ef það þarf að velja sjálft milli þriggja rétta á matseðlinum. Það nýtur þess að slökkva á hugsuninni og láta líkamann vinna í staðinn. Ég hef einmitt tekið eftir því að fólk sem þarf að taka mikið af ákvörðunum dags daglega nýtur þess sérstaklega.“Starfsmenn Kaupþings hafa tvisvar farið í ferðir á vegum Göngu-Hrólfs, annars vegar til Krítar og hins vegar til Mallorca nú í haust. Guðrún Bjarnadóttir, starfsmaður á upplýsinga- og tæknisviði Kaupþings, er einn virkra meðlima ferðanefndar bankans, sem stóð fyrir þeim ferðum og fjölda annarra. „Ég held við höfum gengið á meira og minna öll fjöll í nágrenni höfuðborgarsvæðisins. Við förum í léttar ferðir einu sinni eða tvisvar í mánuði nema þegar undirbúningur stendur yfir fyrir lengri ferðir, þá er gengið vikulega,“ segir hún.Hvannadalshnjúkur, Fimmvörðuháls, Leggjabrjótur og Laugavegurinn eru meðal þeirra leiða sem starfsfólkið státar af að hafa gengið hér innanlands. Allur gangur er á hversu margir taka þátt í göngunum hverju sinni, allt frá fimm upp í fimmtíu manns. Leiðirnar eru misjafnlega erfiðar yfirferðar, sumar hverjar sniðnar að fjölskyldum og aðrar að vanari göngumönnum. „Þessar ferðir hafa verið frábær leið til að hrista fólk saman. Starfsfólk Kaupþings er svo margt og dreift víða. Með þessu móti kynnist maður fólki sem maður myndi annars ekkert vita af.“Jóga og Nudd í hádeginuFleiri nefndir eru starfræktar innan Kaupþings sem hafa það að markmiði að hvetja til heilsusamlegrar samveru starfsfólksins. Þar á meðal eru íþróttanefnd og golfnefnd. Fjárfestingarbankinn Straumur á þetta sameiginlegt með Kaupþingi. „Við hugsum vel um heilsuna hérna hjá Straumi,“ segir Erla Tryggvadóttir, verkefnastjóri hjá bankanum. Innan herbúða hans er starfrækt sérstök íþróttanefnd sem sér um skipulagningu á ýmsum íþróttaviðburðum. Þá eru ýmsir heilsutengdir hópar virkir, þar á meðal hlaupahópur, fótboltahópur, gönguhópur og golfhópur. Nýlega var gengið skrefinu lengra og ein vika tileinkuð heilsu og hollum lifnaðarháttum. Starfsfólk gat meðal annars sótt fyrirlestra um heilbrigðan lífsstíl og hlaup, tæmt hugann í jógatíma eða skellt sér í nudd í hádeginu og snætt meinhollan mat í mötuneytinu í framhaldinu. Þá tóku sjúkraþjálfarar út vinnustaðinn og sáu til þess að allir starfsmenn sætu örugglega rétt við tölvuna til að koma í veg fyrir bak- og axlaeymsl eftir langsetur við tölvuskjáinn. Erla segir starfsfólki bankans hafa liðið einstaklega vel þá vikuna. „Það tóku allir þátt í þessu. Þetta var mjög gaman og frábært framtak hjá íþróttanefndinni og starfsmannahaldinu.“Heilsuæði virðist því vera að ganga innan íslenskra fyrirtækja. Augsýnilegt er að stjórnendur þeirra átta sig æ betur á mikilvægi líkamlegrar og andlegrar heilsu starfsmanna. Lítil ástæða virðist vera fyrir starfsfólk íslenskra fyrirtækja að hlaupa í spik, þrátt fyrir langtímasetu frammi fyrir tölvuskjánum. Héðan og þaðan Mest lesið ORA svarar fyrir fiskbúðinginn: „Stundum þarf bara pung í að gera breytingar“ Neytendur Segir stjórnendur ætla að skilja skuldirnar eftir á Íslandi Viðskipti innlent „Hef engar upplýsingar um að eitthvað óeðlilegt hafi átt sér stað“ Viðskipti innlent 208 sagt upp í fimm hópuppsögnum Viðskipti innlent Samkaup eignast 38 prósenta hlut í Kjötkompaní Viðskipti innlent Einn stofnenda Play og Leifur í framkvæmdastjórn Icelandair Viðskipti innlent Íþróttafræðin inn á vinnustaðinn: Yfirmenn ekki lengur alvitri einhyrningurinn Atvinnulíf Eiríkur Orri til Ofar Viðskipti innlent Spá óbreyttum stýrivöxtum í næstu viku Viðskipti innlent Kaupfélagið á bak við risaviðskipti í Iceland Seafood Viðskipti innlent Fleiri fréttir Bein útsending: Ársfundur atvinnulífsins Spá óbreyttum stýrivöxtum í næstu viku „Hef engar upplýsingar um að eitthvað óeðlilegt hafi átt sér stað“ 208 sagt upp í fimm hópuppsögnum Einn stofnenda Play og Leifur í framkvæmdastjórn Icelandair Eiríkur Orri til Ofar Samkaup eignast 38 prósenta hlut í Kjötkompaní Segir stjórnendur ætla að skilja skuldirnar eftir á Íslandi „Það verður andskoti flókið“ Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Ásgeir og Darri til Landslaga Sahara og Olís tilnefnd til tvennra alþjóðlegra verðlauna Hvetur stjórnvöld til að veita ferðaskrifstofum lán eins og í Covid Búið að greiða laun og barnabætur Stefna á að hefja starfsemi á Möltu innan tíu vikna Snaps teygir anga sína út á Hlemm „Það er svo langt síðan að við höfðum ekki trú á Play“ Arnar Þór og Unnur Lilja skipta búi Play Bændaferðir færa sig í skemmtiferðasiglingar Fallið frá kröfum um neyðarfjarskipti á hálendinu Play með sex prósent flugsæta til og frá landinu Hrun í makríl og kolmunna Fall Play áfall en að einhverju leyti fyrirséð Segir ekki honum að kenna að Play hafi farið á hausinn Sjá meira
„Það var nú bara hlegið að mér þegar ég kom fyrst með hugmyndir um að ganga á Mallorca, enda sá fólk hana ekki fyrir sér sem gönguferðastað. Núna eru þær fáar ferðaskrifstofurnar sem ekki bjóða upp á gönguferðir til útlanda. Það er engin spurning að áhuginn er að aukast,“ segir Steinunn Harðardóttir, leiðsögumaður og dagskrárgerðarmaður á Ríkisútvarpinu. Steinunn hefur í rúm fimmtán ár haft það að starfi að skipuleggja gönguferðir fyrir hópa í útlöndum. Árið 1991 stofnaði hún fyrirtækið Göngu-Hrólf utan um þetta stóra áhugamál. Úrval-Útsýn keypti svo fyrirtækið af henni árið 1998. Síðan hefur það verið rekið sem sjálfstæð eining undir íþróttadeild Úrvals-Útsýnar. Gengið á fjallstinda víða um heimAuk Mallorca hefur Steinunn gengið með hópa í Toscana-héraði á Ítalíu, í Pýreneafjöllum, á Grikklandi og Tyrklandi. Oft eru það hópar innan fyrirtækja sem kaupa þjónustu Göngu-Hrólfs. Gönguferðir eru enda með bestu gerð hópeflingar sem völ er á, að mati Steinunnar. Þá segir hún fólk njóta þess að slaka á og leyfa öðrum að sjá um að stjórna. „Í þessum ferðum er allt skipulagt. Fólk kvartar góðlátlega ef það þarf að velja sjálft milli þriggja rétta á matseðlinum. Það nýtur þess að slökkva á hugsuninni og láta líkamann vinna í staðinn. Ég hef einmitt tekið eftir því að fólk sem þarf að taka mikið af ákvörðunum dags daglega nýtur þess sérstaklega.“Starfsmenn Kaupþings hafa tvisvar farið í ferðir á vegum Göngu-Hrólfs, annars vegar til Krítar og hins vegar til Mallorca nú í haust. Guðrún Bjarnadóttir, starfsmaður á upplýsinga- og tæknisviði Kaupþings, er einn virkra meðlima ferðanefndar bankans, sem stóð fyrir þeim ferðum og fjölda annarra. „Ég held við höfum gengið á meira og minna öll fjöll í nágrenni höfuðborgarsvæðisins. Við förum í léttar ferðir einu sinni eða tvisvar í mánuði nema þegar undirbúningur stendur yfir fyrir lengri ferðir, þá er gengið vikulega,“ segir hún.Hvannadalshnjúkur, Fimmvörðuháls, Leggjabrjótur og Laugavegurinn eru meðal þeirra leiða sem starfsfólkið státar af að hafa gengið hér innanlands. Allur gangur er á hversu margir taka þátt í göngunum hverju sinni, allt frá fimm upp í fimmtíu manns. Leiðirnar eru misjafnlega erfiðar yfirferðar, sumar hverjar sniðnar að fjölskyldum og aðrar að vanari göngumönnum. „Þessar ferðir hafa verið frábær leið til að hrista fólk saman. Starfsfólk Kaupþings er svo margt og dreift víða. Með þessu móti kynnist maður fólki sem maður myndi annars ekkert vita af.“Jóga og Nudd í hádeginuFleiri nefndir eru starfræktar innan Kaupþings sem hafa það að markmiði að hvetja til heilsusamlegrar samveru starfsfólksins. Þar á meðal eru íþróttanefnd og golfnefnd. Fjárfestingarbankinn Straumur á þetta sameiginlegt með Kaupþingi. „Við hugsum vel um heilsuna hérna hjá Straumi,“ segir Erla Tryggvadóttir, verkefnastjóri hjá bankanum. Innan herbúða hans er starfrækt sérstök íþróttanefnd sem sér um skipulagningu á ýmsum íþróttaviðburðum. Þá eru ýmsir heilsutengdir hópar virkir, þar á meðal hlaupahópur, fótboltahópur, gönguhópur og golfhópur. Nýlega var gengið skrefinu lengra og ein vika tileinkuð heilsu og hollum lifnaðarháttum. Starfsfólk gat meðal annars sótt fyrirlestra um heilbrigðan lífsstíl og hlaup, tæmt hugann í jógatíma eða skellt sér í nudd í hádeginu og snætt meinhollan mat í mötuneytinu í framhaldinu. Þá tóku sjúkraþjálfarar út vinnustaðinn og sáu til þess að allir starfsmenn sætu örugglega rétt við tölvuna til að koma í veg fyrir bak- og axlaeymsl eftir langsetur við tölvuskjáinn. Erla segir starfsfólki bankans hafa liðið einstaklega vel þá vikuna. „Það tóku allir þátt í þessu. Þetta var mjög gaman og frábært framtak hjá íþróttanefndinni og starfsmannahaldinu.“Heilsuæði virðist því vera að ganga innan íslenskra fyrirtækja. Augsýnilegt er að stjórnendur þeirra átta sig æ betur á mikilvægi líkamlegrar og andlegrar heilsu starfsmanna. Lítil ástæða virðist vera fyrir starfsfólk íslenskra fyrirtækja að hlaupa í spik, þrátt fyrir langtímasetu frammi fyrir tölvuskjánum.
Héðan og þaðan Mest lesið ORA svarar fyrir fiskbúðinginn: „Stundum þarf bara pung í að gera breytingar“ Neytendur Segir stjórnendur ætla að skilja skuldirnar eftir á Íslandi Viðskipti innlent „Hef engar upplýsingar um að eitthvað óeðlilegt hafi átt sér stað“ Viðskipti innlent 208 sagt upp í fimm hópuppsögnum Viðskipti innlent Samkaup eignast 38 prósenta hlut í Kjötkompaní Viðskipti innlent Einn stofnenda Play og Leifur í framkvæmdastjórn Icelandair Viðskipti innlent Íþróttafræðin inn á vinnustaðinn: Yfirmenn ekki lengur alvitri einhyrningurinn Atvinnulíf Eiríkur Orri til Ofar Viðskipti innlent Spá óbreyttum stýrivöxtum í næstu viku Viðskipti innlent Kaupfélagið á bak við risaviðskipti í Iceland Seafood Viðskipti innlent Fleiri fréttir Bein útsending: Ársfundur atvinnulífsins Spá óbreyttum stýrivöxtum í næstu viku „Hef engar upplýsingar um að eitthvað óeðlilegt hafi átt sér stað“ 208 sagt upp í fimm hópuppsögnum Einn stofnenda Play og Leifur í framkvæmdastjórn Icelandair Eiríkur Orri til Ofar Samkaup eignast 38 prósenta hlut í Kjötkompaní Segir stjórnendur ætla að skilja skuldirnar eftir á Íslandi „Það verður andskoti flókið“ Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Ásgeir og Darri til Landslaga Sahara og Olís tilnefnd til tvennra alþjóðlegra verðlauna Hvetur stjórnvöld til að veita ferðaskrifstofum lán eins og í Covid Búið að greiða laun og barnabætur Stefna á að hefja starfsemi á Möltu innan tíu vikna Snaps teygir anga sína út á Hlemm „Það er svo langt síðan að við höfðum ekki trú á Play“ Arnar Þór og Unnur Lilja skipta búi Play Bændaferðir færa sig í skemmtiferðasiglingar Fallið frá kröfum um neyðarfjarskipti á hálendinu Play með sex prósent flugsæta til og frá landinu Hrun í makríl og kolmunna Fall Play áfall en að einhverju leyti fyrirséð Segir ekki honum að kenna að Play hafi farið á hausinn Sjá meira