Mikil dramatík í Utah 10. maí 2007 04:29 Derek Fisher átti dramatíska innkomu með Utah Jazz í nótt í leik sem bauð upp á allt það besta sem körfuboltinn hefur fram að færa NordicPhotos/GettyImages Utah hefur náð 2-0 forystu í einvígi sínu við Golden State í undanúrslitum Vesturdeildarinnar í NBA eftir dramatískan sigur í framlengingu í nótt 127-117. Derek Fisher mætti ekki í leikinn fyrr en í síðari hálfleik eftir að hafa flogið frá New York þar sem dóttir hans var í lífshættulegri aðgerð. Fisher spilaði stóra rullu undir lokin og skoraði öll fimm stig sín í framlengingunni. Hafi fyrsti leikur liðanna verið spennandi, fór dramatíkin á enn hærra stig í leik tvö í nótt. Utah náði oftar en einu sinni yfir 10 stiga forystu í leiknum, en gestirnir skutu sig ávallt til baka með þriggja stiga skotum. Golden State var með leikinn algjörlega í höndum sér í blálokin, en þá kom að framlagi Derek Fisher og Deron Williams. Fisher náði að vinna boltann af Baron Davis með góðum varnarleik og Williams jafnaði leikinn með skoti skömmu fyrir leikslok. Baron Davis hitti ekki úr þriggja stiga skoti um leið og flautan gall og því varð að framlengja í stöðunni 113-113. Í framlengingunni tóku þeir Williams og Fisher upp þráðinn og skoruðu sitt hvora þriggja stiga körfuna og kláruðu leikinn fyrir heimamenn. Utah-liðið getur þó þakkað fyrir að fara nú með 2-0 forystu til Oakland og gestirnir eiga eftir að naga sig í handabökin eftir að hafa kastað frá sér sigrinum í lokin. Utah vann framlenginguna 14-4 Ótrúlegir yfirburðir Jazz í fráköstunum Leikir þessara liða hafa verið frábær skemmtun þó leikstíll þeirra sé gjörólíkur. Golden State skoraði 15 þriggja stiga körfur í leiknum en Utah vann frákastabaráttuna á ótrúlegan hátt 60-32. 60 fráköst Utah er met í úrslitakeppninni. "Við getum ekki unnið þetta lið ef þeir hirða 18 fleiri fráköst en við," sagði Don Nelson þjálfari Golden State eftir fyrsta leikinn - en munurinn í leik tvö var 28 fráköst. Ekki var vitað fyrir leikinn hvort byrjunarliðsmaðurinn Derek Fisher yrði með í leiknum því hann var í leyfi frá liðinu vegna veikinda í fjölskyldu hans. Hann mætti í höllina í þriðja leikhlutanum eftir flug frá New York þar sem ársgömul dóttir hans var í lífshættulegri aðgerð vegna krabbameins. Brown á sjúkrahús Nýliðinn Dee Brown spilaði í hans stað, en eftir að hafa verið inni á vellinum í nokkrar mínútur lenti hann í samstuði sem endaði með því að félagi hans Mehmet Okur datt ofan á höfuðið á honum. Brown lá þjáður á vellinum og var síðar fluttur á sjúkrahús með meiðsli á hálsi. Rannsóknir á taugakerfi hans sýndu engan skaða, en hann verður á sjúkrahúsi yfir nótt og gengst undir frekari rannsóknir. Þetta kom sérstaklega illa við lið Utah þar sem Deron Williams fékk tvær villur á fyrstu mínútu leiksins og því var endurkoma Fisher liðinu sérlega dýrmæt. Tölfræðin Carlos Boozer skoraði 30 stig og hirti 13 fráköst fyrir Utah í leiknum, Mehmet Okur skoraði 23 stig og hirti 18 fráköst, Andrei Kirilenko skoraði 20 stig, hirti 9 fráköst og varði 6 skot og Deron Williams skoraði 17 stig og gaf 14 stoðsendingar. Baron Davis fór sem fyrr hamförum í liði Warriors með 36 stigum og 7 stoðsendingum, Jason Richardson skoraði 27 stig, Stephen Jackson 18 og Al Harrington 17. Þess má geta að Andris Biedrins var frákastahæstur hjá Golden State með 6 fráköst, en hvorki meira né minna en fimm leikmenn Utah hirtu jafnmörg eða fleiri fráköst en hann í leiknum. Fisher orðlaus "Þetta hefur verið ótrúlegur tími. Dóttir mín hefur staðið sig eins og hetja og aðgerðin í New York í dag heppnaðist mjög vel. Ég stökk út úr flugvélinni og beint í leikinn. Ég veit ekki hvað ég á að segja," sagði Fisher í miklu uppnámi eftir leikinn. "Ég set alltaf fjölskylduna og trú mína í fyrsta sæti og ég varð að fá leyfi frá konunni til að koma hingað en þjálfarinn og félagarnir tóku mér opnum örmum. Þeir höfðu mig á leikskýrslunni í kvöld og þeir þurftu alls ekki að gera það," sagði Fisher - en hann lék með Golden State í tvö ár áður en hann gekk í raðir Utah. Fyrrum félagar hans hjá Warriors gengu til hans og föðmuðu hann þegar hann kom inn á völlinn í þriðja leikhluta og litlu mátti muna að þakið rifnaði af höllinni vegna fagnaðarláta áhorfenda. Næsti leikur í beinni á föstudagskvöldið Leikurinn í nótt var sýndur beint á NBA TV sjónvarpsstöðinni og þriðji leikurinn verður einnig sýndur beint á stöðinni klukkan eitt aðfaranótt laugardagsins. Þá verður fyrst spilað í Oakland og hætt er við því að þar verði stemmingin og spennan ekki síðri en í leikjunum tveimur í Salt Lake City. Smelltu á tengilinn hér fyrir neðan til að lesa um fyrsta leik liðanna. NBA Tengdar fréttir Utah vann nauman sigur á Golden State Fyrsti leikur Utah og Golden State í undanúrslitum Vesturdeildarinnar í NBA var æsispennandi en svo fór að lokum að heimamenn í Utah höfðu sigur 116-112 á heimavelli sínum. Leikurinn var að hluta til einvígi leikstjórnendanna Deron Williams og Baron Davis og það var hinn ungi Williams sem náði að leiða lið sitt til sigurs í þetta sinn. 8. maí 2007 06:01 Mest lesið „Þeir vilja náttúrulega fleiri leiki líka“ Körfubolti Uppgjörið: Grindavík - Stjarnan 95-92 | Rosalegasta endurkoma síðari ára Körfubolti Leggur til bíl ef félagið ákveður að ræna Antony Fótbolti Leik lokið: Valur - Afturelding 33-29 | Afturelding send í sumarfrí og Valsmenn leika til úrslita Handbolti Mætir bróður sínum í úrslitum: „Staðfestur titill á okkar heimili“ Handbolti „Ég hef hluti að gera hér“ Körfubolti Brynjar Karl svarar fyrir sig: „Ég má ekki verja mig opinberlega“ Körfubolti Fram á lífi eftir sigur gegn Haukum Handbolti Birti myndir af fólki, kalli það illum nöfnum og saki um einelti á meðan Körfubolti De Bruyne sá til þess að meistararnir sluppu fyrir horn gegn Úlfunum Enski boltinn Fleiri fréttir „Þeir vilja náttúrulega fleiri leiki líka“ Uppgjörið: Grindavík - Stjarnan 95-92 | Rosalegasta endurkoma síðari ára „Ég hef hluti að gera hér“ Brynjar Karl svarar fyrir sig: „Ég má ekki verja mig opinberlega“ Goðsögnin Popovich hættur í þjálfun Þurfti bara eitt orð um mestu áskorunina við að mæta Njarðvík Birti myndir af fólki, kalli það illum nöfnum og saki um einelti á meðan Faðir Haliburton fær ekki að mæta á leiki hjá Pacers Brunson sendi Pistons í sumarfrí en Clippers tryggði sér oddaleik Uppgjörið: Haukar - Njarðvík 86-79 | Haukar taka forystu í úrslitaeinvíginu LeBron um framtíðina: „Hef ekki svar“ Úlfarnir sendu Luka, LeBron og félaga í sumarfrí Martin að ná í úrslitakeppnina eftir allt saman? Annað skiptið í röð sem leikmaður San Antonio er valinn nýliði ársins Luka borgar fyrir viðgerðir á minnismerki um Kobe Slapp vel frá rafmagnsleysinu Pabbi Haliburtons ögraði Giannis: „Mikil vanvirðing“ „Þetta er úrslitakeppnin og hlutir gerast“ Sigtryggur Arnar eignaðist strák rétt fyrir stórleik kvöldsins Uppgjörið: Tindastóll - Álftanes 105-104 | Lygilegar lokamínútur Þinglegur stuðningur við Tindastól fyrir kvöldið NBA viðurkennir dómaramistök á ögurstundu hjá Luka og Lakers „Þetta er hreinn og klár glæpur“ „Létum hluti sem við stjórnum ekki fara of mikið í taugarnar á okkur“ Hnefarnir látnir tala í Umhyggjuhöllinni Fór ekki í sturtu fyrr en sjö um morguninn eftir eitt erfiðasta tapið á ferlinum Mesta rúst í sögu NBA Skýrsla um Brynjar Karl: Geri tilraunir með börn og skorti fræðilegan grunn „Stoltur af leikmönnum og stuðningsmönnum“ „Stóðumst áhlaupin betur að þessu sinni“ Sjá meira
Utah hefur náð 2-0 forystu í einvígi sínu við Golden State í undanúrslitum Vesturdeildarinnar í NBA eftir dramatískan sigur í framlengingu í nótt 127-117. Derek Fisher mætti ekki í leikinn fyrr en í síðari hálfleik eftir að hafa flogið frá New York þar sem dóttir hans var í lífshættulegri aðgerð. Fisher spilaði stóra rullu undir lokin og skoraði öll fimm stig sín í framlengingunni. Hafi fyrsti leikur liðanna verið spennandi, fór dramatíkin á enn hærra stig í leik tvö í nótt. Utah náði oftar en einu sinni yfir 10 stiga forystu í leiknum, en gestirnir skutu sig ávallt til baka með þriggja stiga skotum. Golden State var með leikinn algjörlega í höndum sér í blálokin, en þá kom að framlagi Derek Fisher og Deron Williams. Fisher náði að vinna boltann af Baron Davis með góðum varnarleik og Williams jafnaði leikinn með skoti skömmu fyrir leikslok. Baron Davis hitti ekki úr þriggja stiga skoti um leið og flautan gall og því varð að framlengja í stöðunni 113-113. Í framlengingunni tóku þeir Williams og Fisher upp þráðinn og skoruðu sitt hvora þriggja stiga körfuna og kláruðu leikinn fyrir heimamenn. Utah-liðið getur þó þakkað fyrir að fara nú með 2-0 forystu til Oakland og gestirnir eiga eftir að naga sig í handabökin eftir að hafa kastað frá sér sigrinum í lokin. Utah vann framlenginguna 14-4 Ótrúlegir yfirburðir Jazz í fráköstunum Leikir þessara liða hafa verið frábær skemmtun þó leikstíll þeirra sé gjörólíkur. Golden State skoraði 15 þriggja stiga körfur í leiknum en Utah vann frákastabaráttuna á ótrúlegan hátt 60-32. 60 fráköst Utah er met í úrslitakeppninni. "Við getum ekki unnið þetta lið ef þeir hirða 18 fleiri fráköst en við," sagði Don Nelson þjálfari Golden State eftir fyrsta leikinn - en munurinn í leik tvö var 28 fráköst. Ekki var vitað fyrir leikinn hvort byrjunarliðsmaðurinn Derek Fisher yrði með í leiknum því hann var í leyfi frá liðinu vegna veikinda í fjölskyldu hans. Hann mætti í höllina í þriðja leikhlutanum eftir flug frá New York þar sem ársgömul dóttir hans var í lífshættulegri aðgerð vegna krabbameins. Brown á sjúkrahús Nýliðinn Dee Brown spilaði í hans stað, en eftir að hafa verið inni á vellinum í nokkrar mínútur lenti hann í samstuði sem endaði með því að félagi hans Mehmet Okur datt ofan á höfuðið á honum. Brown lá þjáður á vellinum og var síðar fluttur á sjúkrahús með meiðsli á hálsi. Rannsóknir á taugakerfi hans sýndu engan skaða, en hann verður á sjúkrahúsi yfir nótt og gengst undir frekari rannsóknir. Þetta kom sérstaklega illa við lið Utah þar sem Deron Williams fékk tvær villur á fyrstu mínútu leiksins og því var endurkoma Fisher liðinu sérlega dýrmæt. Tölfræðin Carlos Boozer skoraði 30 stig og hirti 13 fráköst fyrir Utah í leiknum, Mehmet Okur skoraði 23 stig og hirti 18 fráköst, Andrei Kirilenko skoraði 20 stig, hirti 9 fráköst og varði 6 skot og Deron Williams skoraði 17 stig og gaf 14 stoðsendingar. Baron Davis fór sem fyrr hamförum í liði Warriors með 36 stigum og 7 stoðsendingum, Jason Richardson skoraði 27 stig, Stephen Jackson 18 og Al Harrington 17. Þess má geta að Andris Biedrins var frákastahæstur hjá Golden State með 6 fráköst, en hvorki meira né minna en fimm leikmenn Utah hirtu jafnmörg eða fleiri fráköst en hann í leiknum. Fisher orðlaus "Þetta hefur verið ótrúlegur tími. Dóttir mín hefur staðið sig eins og hetja og aðgerðin í New York í dag heppnaðist mjög vel. Ég stökk út úr flugvélinni og beint í leikinn. Ég veit ekki hvað ég á að segja," sagði Fisher í miklu uppnámi eftir leikinn. "Ég set alltaf fjölskylduna og trú mína í fyrsta sæti og ég varð að fá leyfi frá konunni til að koma hingað en þjálfarinn og félagarnir tóku mér opnum örmum. Þeir höfðu mig á leikskýrslunni í kvöld og þeir þurftu alls ekki að gera það," sagði Fisher - en hann lék með Golden State í tvö ár áður en hann gekk í raðir Utah. Fyrrum félagar hans hjá Warriors gengu til hans og föðmuðu hann þegar hann kom inn á völlinn í þriðja leikhluta og litlu mátti muna að þakið rifnaði af höllinni vegna fagnaðarláta áhorfenda. Næsti leikur í beinni á föstudagskvöldið Leikurinn í nótt var sýndur beint á NBA TV sjónvarpsstöðinni og þriðji leikurinn verður einnig sýndur beint á stöðinni klukkan eitt aðfaranótt laugardagsins. Þá verður fyrst spilað í Oakland og hætt er við því að þar verði stemmingin og spennan ekki síðri en í leikjunum tveimur í Salt Lake City. Smelltu á tengilinn hér fyrir neðan til að lesa um fyrsta leik liðanna.
NBA Tengdar fréttir Utah vann nauman sigur á Golden State Fyrsti leikur Utah og Golden State í undanúrslitum Vesturdeildarinnar í NBA var æsispennandi en svo fór að lokum að heimamenn í Utah höfðu sigur 116-112 á heimavelli sínum. Leikurinn var að hluta til einvígi leikstjórnendanna Deron Williams og Baron Davis og það var hinn ungi Williams sem náði að leiða lið sitt til sigurs í þetta sinn. 8. maí 2007 06:01 Mest lesið „Þeir vilja náttúrulega fleiri leiki líka“ Körfubolti Uppgjörið: Grindavík - Stjarnan 95-92 | Rosalegasta endurkoma síðari ára Körfubolti Leggur til bíl ef félagið ákveður að ræna Antony Fótbolti Leik lokið: Valur - Afturelding 33-29 | Afturelding send í sumarfrí og Valsmenn leika til úrslita Handbolti Mætir bróður sínum í úrslitum: „Staðfestur titill á okkar heimili“ Handbolti „Ég hef hluti að gera hér“ Körfubolti Brynjar Karl svarar fyrir sig: „Ég má ekki verja mig opinberlega“ Körfubolti Fram á lífi eftir sigur gegn Haukum Handbolti Birti myndir af fólki, kalli það illum nöfnum og saki um einelti á meðan Körfubolti De Bruyne sá til þess að meistararnir sluppu fyrir horn gegn Úlfunum Enski boltinn Fleiri fréttir „Þeir vilja náttúrulega fleiri leiki líka“ Uppgjörið: Grindavík - Stjarnan 95-92 | Rosalegasta endurkoma síðari ára „Ég hef hluti að gera hér“ Brynjar Karl svarar fyrir sig: „Ég má ekki verja mig opinberlega“ Goðsögnin Popovich hættur í þjálfun Þurfti bara eitt orð um mestu áskorunina við að mæta Njarðvík Birti myndir af fólki, kalli það illum nöfnum og saki um einelti á meðan Faðir Haliburton fær ekki að mæta á leiki hjá Pacers Brunson sendi Pistons í sumarfrí en Clippers tryggði sér oddaleik Uppgjörið: Haukar - Njarðvík 86-79 | Haukar taka forystu í úrslitaeinvíginu LeBron um framtíðina: „Hef ekki svar“ Úlfarnir sendu Luka, LeBron og félaga í sumarfrí Martin að ná í úrslitakeppnina eftir allt saman? Annað skiptið í röð sem leikmaður San Antonio er valinn nýliði ársins Luka borgar fyrir viðgerðir á minnismerki um Kobe Slapp vel frá rafmagnsleysinu Pabbi Haliburtons ögraði Giannis: „Mikil vanvirðing“ „Þetta er úrslitakeppnin og hlutir gerast“ Sigtryggur Arnar eignaðist strák rétt fyrir stórleik kvöldsins Uppgjörið: Tindastóll - Álftanes 105-104 | Lygilegar lokamínútur Þinglegur stuðningur við Tindastól fyrir kvöldið NBA viðurkennir dómaramistök á ögurstundu hjá Luka og Lakers „Þetta er hreinn og klár glæpur“ „Létum hluti sem við stjórnum ekki fara of mikið í taugarnar á okkur“ Hnefarnir látnir tala í Umhyggjuhöllinni Fór ekki í sturtu fyrr en sjö um morguninn eftir eitt erfiðasta tapið á ferlinum Mesta rúst í sögu NBA Skýrsla um Brynjar Karl: Geri tilraunir með börn og skorti fræðilegan grunn „Stoltur af leikmönnum og stuðningsmönnum“ „Stóðumst áhlaupin betur að þessu sinni“ Sjá meira
Utah vann nauman sigur á Golden State Fyrsti leikur Utah og Golden State í undanúrslitum Vesturdeildarinnar í NBA var æsispennandi en svo fór að lokum að heimamenn í Utah höfðu sigur 116-112 á heimavelli sínum. Leikurinn var að hluta til einvígi leikstjórnendanna Deron Williams og Baron Davis og það var hinn ungi Williams sem náði að leiða lið sitt til sigurs í þetta sinn. 8. maí 2007 06:01
Leik lokið: Valur - Afturelding 33-29 | Afturelding send í sumarfrí og Valsmenn leika til úrslita Handbolti
Leik lokið: Valur - Afturelding 33-29 | Afturelding send í sumarfrí og Valsmenn leika til úrslita Handbolti