Hagnaður Blackstone þrefaldast

Bandaríski fjárfestingasjóðurinn Blackstone Group skilaði hagnaði upp á 774 milljónir bandaríkjadala, rétt tæplega 51 milljarð íslenskra króna, á öðrum fjórðungi ársins. Þetta er þrefalt meiri hagnaður en á sama tíma fyrir ári.

Fasteignafjárfestingar Blackstone draga lestina en tekjurnar úr þeim geira skilaði félaginu 320 milljónum dala, rúmlega 21 milljarði króna, samanborið við 92 milljónir króna á síðasta ári. Aukningin nemur 248 prósentum á milli ára.

Hagnaður á hlut nam 46 sentum samanborið við 11 sent fyrir ári. Þetta er pari við væntingar greinenda.

Þá námu tekjur fjárfestingafélagsins 975 milljónum dala, 64,3 milljörðum króna, á tímabilinu samanborið við 324 milljónir dala, 21,4 milljarða króna, fyrir ári.

Stephen Schwarzman, forstjóri Blackstone Group, segir í tilkynningu sem fyrirtækið sendi frá sér, að það hyggist skila góðum hagnaði þrátt fyrir hræringar á fjármálamarkaði. Líti fjárfestingafélagið á þröskulda sem áskorun.

Blackstone var skráð á hlutabréfamarkað í júní. Gengi bréfa í fyrirtækinu hefur hins vegar dalað talsvert eftir skráningu og stendur nú nokkuð undir útboðsgengi.