Faldi hagnað af sölu hlutabréfa

Héraðsdómsstóll í Tókýó í Japan dæmdi í dag sextuga konu í 18 mánaða skilorðsbundið fangelsi og til greiðslu sektar vegna skattsvika. Konan varði arfi eftir móður sína til hlutabréfakaupa og græddi jafnvirði rúmra tvö hundruð milljóna íslenskra króna á viðskiptunum. Stóran hluta af hagnaðinum faldi hún fyrir skattayfirvöldum á ýmsum reikningum í nafni skyldmenna sinna.

Að sögn fréttastofunnar Associated Press keypti kona þessi verðbréf á erlendum mörkuðum á árabilinu 2003 til 2005 og hagnaðist um 400 milljónir jena, jafnvirði rúmra 225 milljóna íslenskra króna, á viðskiptunum.

Konan faldi þriðjung hagnaðarins af sölu hlutabréfanna á bankareikningum undir nafni skyldmenna sinna og eyddi honum síðan að mestu til kaupa á rándýrum kímonóum, skartgripi og til ferðalaga.

Jafnframt dóminum og skilorði til þriggja ára brjóti hún ekki aftur af sér, var þessi hagsýna húsmóðir dæmd til að greiða 34 milljónir jena, jafnvirði 19 milljóna króna, í sekt vegna brotsins.

Dómari í málinu sagði að sýnt þyki að kona þessi hafi ekki fyllilega skilið skyldur sínar sem löghlýðinn skattborgari, að sögn Associated Press sem tekur fram að vegna lágra stýrivaxta í Japan, sem eru hálft prósent, hafi þeir sem getað leitað annarra leiða til að ávaxta pund sitt.